السلام عليكم ورحمة الله
في ليلة من ليالي الأفراح وبالتحديد ليلة زواج الأخ مطلق بن عذال البيضاني كان مساء جميل حافل بالشعر الرائع خصوصاً شعر المحاورة حيث كانت هناك مجموعة من الطواريق الجميلة والمثيرة، وقد تميزت الليلة ـ برأيي الخاص ـ بنجاح جميع الطواريق وإثارتها وقد شارك بها كوكبة من أبرز شعراء البيضان المبدعين، وهم: معزي بن عبدالكريم، عبيد بن هديرس، شافي بن عبدالعزيز، راشد بن محمد، عبدالكريم بن سياف، مشاري بن مسحل، وقد كان لكاتب هذه الأسطر شرف المشاركة مع هؤلاء المبدعين:
وقد كانت الطواريق كالتالي:
1 ـ مشاري ــــ حمود
2 ـ شافي ــــ راشد
3 ـ عبيد ــــ حمود
4 ـــ شافي ـــــ محمد
5 ـ حمود ــــ شافي
6 ـ رباعية: راشد، شافي، عبيد، معزي
7 ـ رباعية: محمد، راشد، معزي، حمود
وقد قمت بكتابة بعض هذه المحاورات وسوف انزلها بالمنتدى تباعاً إن شاء الله،
وهذه المحاورة الرباعية الأولى:
راشد
نبغى رباعية على النور القصير = واللي سرت لعلها في فالها
شافي:
نبغى رباعية على سلك الحرير = يالصف كملها وجمل حالها
عبيد:
كل آدمي موجود به شرٍ وخير = والله يخلي للرجال اعيالها
معزي:
لا جت رباعية يقوم إلها المدير = عليك ياعبيد تقص حبالها
راشد:
الله واعلم يا عبيد وش يصير = لو تجلس العربان كان أشوى لها
شافي:
معزي الله يحفظه صلى الأخير = لكن لقى له كارثه واشتالها
عبيد:
حنا بلشنا في معمر والبشير = والشعب ضيقها وضيق بالها
معزي:
يا شافي عزيز ترى المعنى خطير = إلى تساوى عمها مع خالها
راشد:
ياشاعر البيضان ابو سيف شطير = شفت الشماغ اليوم طاح عقالها
شافي:
لو انه معمر لحاله كان أخير = يا عبيد اشتلت الرحى بثفالها
عبيد:
ياصاحبي تستاهل شداد البعير = كلمتك هذي من هو اللي قالها
معزي:
بالمنتدى ياناس مدري وش يصير = ياليت خلاها على تمثالها
راشد:
اليوم اشوفك لا كبير ولا صغير = كلمتك ثمنها وخذ معدالها
شافي:
الناس دون حقوقها شرٍ شرير = لو تلمس الجرة زعل فوالها
عبيد:
ما أحدٍ ورد للجم بالحبل القصير = والشجرة الخضراء يضل اظلالها
معزي:
الناس وصلوا للقمر وأنته تدير = والدايرة قام يتهايل جالها
راشد:
أثرك ابو وجهين وقليبك ضرير = لا طشها يا اصحابنا يشتالها
شافي:
مقدي العميان لو أنه بصير = يبلش بناسٍ حالهم يرثى لها
عبيد:
يا راشد انته غير والعربان غير = والله يخلي للطيور اشكالها
معزي:
العلم واضح مير لو انك تطير = والله لا أميل عليك عقالها
راشد:
انا الفرزدق ما حسبت إلا لجرير = كم دلةٍ شربت من فنجالها
شافي:
إلى ذكرت الحق قلنا لك يصير = وان بيعت السلعة فرح دلالها
عبيد
مداح نفسه قالوا انه بو ضير = اشتالها ويحلها حلالها
معزي:
يا شافي أنته عندنا مالك خشير = ميزانها عندك ولك معدالها
راشد:
تبغى الصراحة طيع شوري واستخير = أهل الوفى ما أحدٍ يضيق بالها
شافي:
وشلون أبا أفرح بالرغى عقب الهدير = وان قامت الحملة رقد جمالها
عبيد:
أنت المحافظ طال عمرك والأمير = ما رية الأسواق في دلالها
معزي:
لا تلطب الثنتين ويضيع المصير = ولا عاد نعرف من هو اللي جالها
انتهت هذه المحاورة ثم بدأت الرباعية الثانية بدأتها بهذا البيت:
يامعزي دام حنا حاضريني = لا تنشد لا فلان ولا فلاني
وسوف انزلها لا حقاً:
vha]K ahtdK ufd]K lu.dL lph,vm vfhudm vhzum
راشد، شافي، عبيد، معزي/ محاورة رباعية رائعة
