محاورة (عيد بن سمير، بن هديرس، بن سياف) طاروقين رائعين

[محمد بن سعود]

محاورة (عيد بن سمير، بن هديرس، بن سياف) طاروقين رائعين

السلام عليكم ورحمة الله

هذه المحاورات من المحاورات التي جرت في حفل زواج الأخ بندر بن عبدالهادي بن هديرس في رابع ايام عيد الفطر المبارك 1429هـ

المحاورة الأولى بين الشاعرين عبيد بن عبدالهادي وحمود بن سياف

عبيد
يا مرحبا باقرب قريب وبالصحيب وكل ضيف = بالليلة اللي من ليال العيد لاوصفتها
ما اخص احد ما اعم احد ما اخيل براق الخريف = راحت الشتا والصيف وبروق الحياء ما شفتها

حمود:
دام البقاء ياللي ترحب والزمن جوه لطيف = بالحفلة اللي شرفتني قبل ما شرفتها
ترى الشريفة ياعبيد ما تبي غير الشريف = والهرجة اللي تهزع الميزان ما خففتها

عبيد:
الله يبارك فيك منطوقك يا بو فيصل نظيف = وانكان مافي حرب مفتي قلت يا حمود افتها
الشيعة اللي بالنجف والشيعة اللي بالقطيف = مذاهبٍ متخالفة ياحمود ما والفتها

حمود:
انته تعرف أن المويه بديرةٍ جنب العطيف = كم مرةٍ مريت لوحتها لكني طفتها
مافيه غير الدلة ام الهيل لي اليوم كيف = والديرة اللي قلتها لا جيتها حذفتها

عبيد:
أنت انتبه لي واعرف ان القصد والمعنى شريف = المقفية ما انظر بها والمقبلة خالفتها
ما دام تاكل باليسار وباليمين ولا تعيف = عساك في مسراك نفسك بس ما كلفتها

حمود:
الوقت من ماضي زمنا ياعميلي حد سيف = اثرك شاطر لا انشدوك الماشية صرفتها
وراك يا نواف قبل اليوم تضحك مع منيف = واليوم في عرض القصيدة كلها صنفتها

عبيد:
وشلون شاطر طال عمرك وش تضيف وويش اضيف = ياللي تبى تكحل عيونك في يدك واطرفتها

حمود:
يالله عسى الجندي قبل يفصل يرقونه عريف = وإلا الفقارى لو تجرت اليوم ما سلفتها.






المحاورة الثانية بين الشاعرين عيد بن سمير البشري وحمود بن سياف البيضاني:
حمود:
ياعيد يا عيد يوم انك تجيب العلوم = لا تقلب البشت يوم فلان لك جابها
سهيل مشهور ما هو مثل باق النجوم = وانته سلالة قبيلة تفتبل اشنابها

عيد:
من شان ايمم عرب ما يعرفون اليموم = اهالي ام القرى يدرون بـ اشعابها
قطب الشمال معروف بكل ليلة ويوم = حمود يبغى البلاوي لا بلينا بها

حمود:
لو كان خليت لا خربت جعل عمرك يدوم = والنار ما تقبس إلا عند شبابها
ماني بظالمك شاعر يالحصان العزوم = لكن كم كلمة ما تحسب حسابها

عيد:
قدسية البيت في مكه ماهي فالجموم = والنار شبابها لا نام يصلى بها
عليك تمشي جهر عينك وامام العموم =اهب ياذالبيب مبحل البابها

حمود:
ياكثر بعض العلوم اللي سوات الحلوم = وارض الكنانة بها الاهرام تحضى بها
كم رحت كم جيت كم كفكفتها بالهدوم = يجرحني فلان بالخليان غنى بها

عيد:
الشاعر اللي كلامة بالمسامع يدوم = والجمعة اقشر دواها ما يداوى بها
انته بعيرٍ على خدك وسمنا رسوم = انا بيدية عصى موسى اتعصى بها

حمود:
اليا وصلنا الزعل ما يزعلون القروم = اتعلمك صفقتي حعلك تهنى بها.

---

lph,vm (ud] fk sldvK i]dvsK sdht) 'hv,rdk vhzudk