هذه القصيدة قالهـا الشـاعر/ عيـد بن بنـدور البيضاني في رثـاء الشيـخ عبدالرحمن بن بـادي بن سيـاف
الذي وافـاه الأجل المحتوم في ليلـة العشـرين من شهـر رمضان المبـارك في عام 1424هـ وهو يبتهـل إلى
الله تعالى في روضة المسجـد وذلك قبيل صلاة العشـاء في محافظه حفرالباطن وكان رحمه الله يختم القـرآن
في شهر رمضـان مرتيـن أو ثلاث مرات وحـين وافته المنيه كان قد توسط سورة الأنبيـاء
فنسأل الله أن يحشـره مع الأنبيـاء والشهداء والصالحـين وأن يغفر له ويجعل منزله في عليـين
وإليكـم قصيدة الشـاعر عيـد بن بنـدور حفظه الله:
يالله يامنشي صدوق الخيالي=ومحيي الهشيم الهامدة بالودادين
ياعالم بأسرار غيب الليالي=وأخبار مايخفيه كل الثقلين
ياذا الكرم والجود يا ذا الجلالي=إنك تحلل شايب ٍ للسيافين
اللي توفى بالليالي الغوالي=عقب بقن عشرة وفاتن عشرين
في روضة المجلس جلس بإبتهالي=عقب ماصلى وسط جمع المصلين
ومد اليمين لمصحفه ثم مالي=حانت وفاته قبل لايعتدل زين
جعله بشارة خير مع طيب فالي=ويبعث وهو يقرأ تبارك وياسـين
وعسى عليه اللحد نور ٍ يلالي=روضة من الجنات ورد وبساتين
اللي تنومس سمعته بالشمالي=ذكره يسر القلب ويشوق العين
عليه هلن العيون الهمالي=حيثه عزيز ومن رجال ٍ عزيزين
وعز الله إنه من حساب الرجالي=وانه فقيده بين الأقصى والأدنين
على القرابه كلهم والعيالي=وعلى القبيلة كامله دون تقنين
اللي نشي بالمرجله والمعالي=من شبته حتى تعدى الثمانين
راعي الخصال الطيبه والدلالي=وهيف السمين ليا لفوه المحبين
وللربع والجيران حلو القبالي=دايم على اصحابه طليق الحجاجين
وسوالفه سواة نقد الريالي=يورد على القصة دليل وبراهين
عنده سوالف مكرمين السبالي=أهل الفعول الطيبات الحشيمين
عساه في جنات عدن عوالي=ويحشر مع الأبرار هم والنبيين
يقطعك يادنيا الفنا والزوالي=ليا صفيتي يوم لازم تشينين
تدرج ليالك مثل درج المحالي=وعلى النعش في كل يوم تحطين
حتى مايبقى لك على الأرض تالي=بأمر الذي كون معالمك تكوين
والرابح اللي حط له رأس مالي=وقدم لروحه قبل نصب الموازين
مادام باقي في حياته مجالي=نفسه جبرها مع مناهج هل الدين
هذا وصلوا عد نبت المفالي=وإعداد ماطافوا حجيج ملبين
على رسول بأفضل القول قالي=نبينا اللي بين الحق تبيين
[/poem]
[/B]
udJ] fk fkJ],v dveJd ufJ]hgvplk hfk sdJht (vpli hggi)
عيـد بن بنـدور يرثـي عبـدالرحمن ابن سيـاف (رحمه الله)
