لغز القصيدة المحمومة
لصاحب السمو الشيخ الشاعر / محمد بن راشد آل مكتوم حاكم دبي ونائب رئيس دولة ألإمارات العربية المتحدة الشقيقة ورئيس مجلس الوزراء
حم وْحِما واحما وحمّا وحامِ= حامي حمى منْه الحماهْ إمْحَمومه
ربع الرِّبيع وْرابع الرِّبع رامي= ومرابعٍ في هالربيعْ إمْعَدومه
ودّي بيدِّي قطعْ يَدّ الحرامي= ويَدّ البلايا ما لها من لزومه
وضاوي ضِوَى ضيِّهْ ولِهْ الانضمامي= ضم الضِّميمْ إيضمهمْ في ضمومه
والآخر استاخرْ في اْلآخر لزامِ= يَأْخِّرْ عن الآخر وتظهَرْ علومه
أوحَى الوحَا وحي الوحيّ الحِوامي= لو هو يواحي ما وحاها تحومه
وطايفْ وطا في واطيٍ فيه طامي= طاف وْطفا لِهْ لى طفيفه علومه
لامِنْ تحل الطَّفّ اْلاَول ولامِ= ما اْلومه وضاع الوفا إن تلومه
فيها وما فيها الوفا والتمامِ= وافي وْوَفَّاه الوفا من رسومه
شَدّ وْشدا وْشَدَّدْ وشَدّ الحزامِ= واللي ورا جدَّامْ جدَّمْ جدومه
يدري ويِدْرا دارها عَ الدوامِ = وِيْدور وِيْدَوِّرْ مَعَ الدور دومه
لو جال بآجال الوجال الوجامِ = جالهْ جليل الجولْ واجلَى سمومه
وْعَادْ وْعدى واعدى وعَدَّى المرامي = وعاداهْ عادي عايدٍ من رقومه
جايزْ يجازيه الجزاه الجزامِ = وجايزْ يجوِّزْ بالجوايزْ علومه
يكتم كتامه والكتوم الكتامِ = واللي كتم كِتْمانْ كاتم كتومه
ضيفٍ يضيف الضّيف والضيف ظامي = يضفي على الضّيفان ضافي عزومه
كامِلْ مكمَّلْ واكتمَلْ في الختامِ = ولى ما يكمِّلْها الكماله نلومه
رد الشاعر / عبدالكريم بن علي المزروعي الحربي على لغز القصيدة المحمومة وأرسله على عنوانهم و جاءته شهادة من صاحب سمو الشيخ / محمد بن راشد آل مكتوم مفادها أن الحل صحيح وهذا رد ابو علي :
بديت بإسم اللي عزيز الأسامي=رباً عظيم ولا لغيره عظومه
قادم تقدم قدمته بالقدامي=قدم تقدم قدمته بالقدومه
جاني كلام اللي كلامه كلامي=كلم تكلم كلمته من كلومه
الشيخ بن راشد رفيع المقامي=حاكم ولد حاكم واسمه حكومه
له الوسام و لبسوه الوسامي=يستاهل وسام الشجاعه سمومه
ثالث ثنين له قدر واحترامي=من حرمته الله عطاه الحرومه
صلى المصلي عن طريق الإمامي=صلى وصلينا صلاة مأمومه
الطاء و حرف الفاء ولام التمامي=فيها حلول اللغز لك بالتمومه
هذي حلول اللغز حسب النظامي=والزين فأهل الزين تبقى وسومه
نور بداله نور زال الظلامي=والنور سمي نور يجلى الظلومه
واليا انتهى عام بدينا بعامي=والعم و عم العم له العمومه
المستلم سلم له الإستلامي=واليا استلم ليل الشتاء ما ينومه
ما يفطر الصايم نهار الصيامي=لازم يكمل يومه اللي يصومه
نو برق برقه و دونه عسامي=يخيله العطشان ليله و يومه
وأيام ما فيها شراب وطعامي=وأيام يكثر خيرها بالنعومه
والضيف ضيف الله يضيف الكرامي=واللي يضيف كرام تفرج همومه
وختامها أسلم و ارد السلامي=على الزعيم اللي قويه هجومه
gy. hgrwd]m hglpl,lm
لغز القصيدة المحمومة
