--------------------------------------------------------------------------------
اليكم قصيدة الشاعر راشد عبد الهادي ال حميدان المري
من أكبر وأشهر شعراء المره
يمدح قبيلة البيضان وقبيلة حرب وقد القاها بمناسبة زواج الأخ / عبدالله بن ضعيان البيضاني
أحد أعيان قبيلة البيضان
في تاريخ 7\7\1424 هـ في الرياض
مبداي باسم اللي ضمن رزق الانسان=متكفل بارزاق كل البريه
من يرتجي مولاه فائز وربحان=مخازنه من كل خير مليـــه
اعوذ به والوذ به سر وعلان= على وعده صباح وعشيه
وخلاف ذا فكري بلمثال شفقان=يوم ادري انه جالهــا قابيلـــــه
الشعر له حزه ومزه وميـزان=وان ماأنفتح له باب ماله دعيــه
وذا الليل له معنا ومغنا وبيبـان=ذل الليل تنظيمه لزوم عليـه
كله لعين ٍ عالي القدر والشان=والله ثم والله يلزم مجيـه
الاحسان ماهو ينجازى الابالاحسان= هذا كلام الله وسنة نبيـه
والله ثم والله لوكان بعمان= لاجيه لوماجات منـــــه وصيــه
(ابوفهد قدره مثل قدر شيخان=وهو والله انه شيخ ذرب السجيــه
ابو فهد قدره على روس وامتـان=وعن ال مره جيت له بالتحيـه
عن ال مره من شباب وشيبـان=نرفع تهانينا مع المقدريـه
نرفع تهانينا بصدق ونصحـان=لبو فهد راع العلــــوم الطـريه
ونيابة عنه تحيه وعرفـان=للحفل اقدمها تحيه هـديه
جميع من هو شرف الحفل لاهان= شوف النشاما يرفع المعنويه
يامرحبا ماسلبت دهم الامـزان=براقها تسفر به الخدلسيه
يامرحبا مامال عود بالاغصـان=واعداد ماغنت به الراعبيـه
يامرحباماشيف نجم وما بـان=واعداد ماهبت هبوب عذيـه
ترحيب بالحضار ذربين الايمـان= مقسم من بينهم بالسويه
وماقدر اقول فلان واسمي فـلان=ذا الليل شوفتهم لنا مكرميـه
وانا ماأعداني من حساب ضيفان=اخ لعبد الله ولاهي زريـه
وكل ال مره له بني عم واخوان=عهد علينا والليالــــــــي مـديه
ونقول للحاضر ترى أبن ضعيـــان=هو والله اللي مايعومس خويـه
في مدح أبن ضعيان للمدح برهـان=ومدح على برهان حيك وحيـه
في مدح أبن ضعيان ماني بغلطان=لاواللذي يعلم جميع الخفيـه
عبد الله بن ضعيان فيه المدح زان=يزين مدحه يوم جـا مطرويــــه
ميزان عبد الله من المدح مليان=أبوفهد واسمه حريب الرديـه
من طيب ابن ضعيان ماشيف زعلان= لوكان تاتي من خويه خطيــه
الفوج كله شاهد له كحيـلان=الفوج يشهد له سريه سريـه
عبد الله علومه جزيلات وسمـان=بشوش خلق وفي دماغـــــه حميه
يستاهل التمجيد في كل ديـوان=وترفع له البيضاء براس البنيــه
ولاهي بتستغرب مراجل بليهـان=طيبه وجوداته على راس خيـه
متسلسل بالمجد من ساس وجدان= جده هو ضعيان زبن الونيـه
جده هو ضعيــان في يوم الاكــوان=يعرف اللي ركبوا عليها غزيـه
مواقف ضعيـــان في زوغ الاذهــان=على الهجن والابنات العبيه
ومواقف البيضــان تعرف بالازمــان=ومن يجهل البيضان ماله دريه
عوايد البيضــان بوجيه بيضـــــــــان=بيض الوجيه بكل ماقف وهيه
من لابةيكتب بها بكل ديــــوان=سجل بها الراوي وثايق قــويه
قبيلة من حد عرعر لنجـــران= هل سمعة بيضاء بكل النحيه
حرب لهم بالمجد والمدح عنــــوان=تاريخهم من عاد بقعاء صبيه
حرب هل الجودات في كل ما كــــان=بيت النداء اللي ماقصر ظل فيه
حرب هل الطولات كرمان كــــرمان=كرمان من عاد المعوشه قديـه
حرب هل الفزعات لاثار دخــــان=لاجاء نهار الهوش والمكرهيـه
حرب الى ركبو الخيل فرسـان=هل سريه يوم الملاقى قويه
حرب اليا من رقص كل شيــطان=خيالهم يارد حياض المنيه
حرب الليامن حاربو سم ثعبــان= حريبهم يبطي عيونـه شقيــه
حرب اليامن عطوا عهد وايمــان=ماينقضون اعهودهم الاوليه
حرب اليامن صاحبوا عون واعـوان=صديقهم يمرح اعيونه هنيه
حرب لهم شيمه وقيمه ومزبــان= زبينهم ماعاد حوله دعيه
حرب لهم سيره وجيره وجيــران= ماجارهم ينزل بالارض الوطيه
حرب الا من جاهم الضيف عجلان=يبطي وهو كنه بوجبة ضحيه
ولارد في باقي القبايل ابنقصـان= الطيب قسم بين كل اللقيه
ومن يفعل المعروف ماهو بخسران=الخاسر اللي نيته قلبيه
الله يعز الدين في كل الاوطـان= والله يخذل الكافرين العصيه
والله لايفرح من الناس شمتــان= الشامت اللي نيته شقلبيه
والله لايثري ثراء كل خــوان=الخاين الي زاد شره وغيه
حنا بنعمه مالها والله اثمــان=امن وامان وكل ديــره غنيه
امن البلد لاجت مع صحة ابدان=نعمه كبيره بالعقول الذكيه
في ظل حكام ولوها بالايمــــان= وقلوبهم فيها لنا مرحميه
خيالة العوجاء بنـــــوها بالاتقان= الشعب مكرم والبلاد امحميه
وخيالة العوجاء حمو حق الانسـان= ومن يدعي له حق يرفع شكيـه
والحق ياتي له براهين ولســــان=ولاهي تجي له جمهره عنصريه
قلته وأنا ماقول عارف وفهمان=كلن على عرفه يدلي أدليه
من حب ابن ضعيان ماقلت تعبان=راعي الحساني مايجازى بسيَه
أدعي له التوفيق ويعيش فرحان=أدعي له التوفيق وأرفع أيد يَه
وختامها صلوا على نسل عدنان=عداد ماهي تكتب الأبجد يَه
rwdJJJ]m ,vhzuJJJi lk v,hzJJJu hgauJv rdgj td l]p hgfdqJJJJhk ,rfdgm pJJJvf ((hglvd))
قصيـــدة ورائعـــه من روائـــع الشعـر قيلت في مدح البيضــــان وقبيلة حـــرب ((المري))
