شكسبير

[رباح دبيان جفران البيضاني]

شكسبير

قصيده وجهتها . لأخي. الشاعر/ حسين محمد العنزي.. وردها


رغمي من اهل الجم ماكثر ضمايه = ياحسين ظامي كن ماحولي الجم
ماقول فزوره حقيقة حكايه = واللي يعرف الجدي مايجهل اليم
هذا بلا غيري وهذا بلايه = كم واحدآ ضامي على الجم ياكم
من دون عيب ودون اية جنايه = عيبه يقول الصدق لامن تكلم
شكسبير في هامش ملف الروايه = الكل ماتحمل من افصول رقم
والمعرفه والعلم لأهل الدرايه = وافضل دروس تقام في دار الأرقم
ولابه وسيله دون مقصد وغايه = ومافيه كائن حي مابورطه دم
والأسم يفرق عن حديث الكنايه = وافعال ترفع لاتسكن ولاتضم
وهذا سما غيري وهذا سمايه = تفريق في عقل البهيم المعمعم
واللي بنا ماخطى بني البنايه = ولايختلف معنى بترجام ترجم
ولاهو خطاء غيري ولاهو خطايه = حسيبنا اللي في خفى الغيب يعلم
ولال النهايه بس رغبة نهايه = اسلم يابن وائل على الكل سلم
وختام قولي نفس معنى البدايه = يامن خبر ظامي على حافة الجم

الشاعر/ رباح البيضاني




ياالله يامن فيك عاقد رجايه = يافارج الكربات ياجالي الهم
انك توفقني لدرب الهدايه = واعوذ في وجهك من الوهن والغم
وراع القصيده يوم يبحث خفايه = وانا من الأيام عايف ومغرم
رباح شاف من الزمان الكفايه = وقريحته قامت تهيج وتلاطم
صاغ وتنقى شرده في عنايه = وانا احسبه من قبل حرآ مبلم
عيبه مثقف تهتويه القرايه = خيره يخص اثنين وبشره يعم
يفتيه شيخآ معتبر بالولايه = تزعله كلمة خال وتونسه عم
لو ينضرب فزعت معه بعصايه = حتى تردد كلمة المدح والذم
ولو اليتامى ماعليهم ولايه = ماسودت صفحاتهم من جبل قم
ترا العلاج اخير منه الوقايه = والصبر مكسب للبنادم ومغنم
شمس الحقيقه كفنتها العبايه = وطعم الصراحه يجرح الحلق علقم
واللي عزف مع ضحكة الوقت نايه = اليا عبس وجه الزمن ماتبسم
الغصن لاثمر صار فيه انحنايه = لو اعتدل مايحفظ الذوق والشم
تفزع سبات النايمين الوشايه = مادام بياع العسل دسبه سم
ولو انعكس وجه الزمن بالمرايه = كان العمى مايستمع شرح البكم
وكلن معه فكره وعقله ورايه = والرزق عند الخالق الرب الأكرم

الشاعر / حسين محمد العنزي

---

a;sfdv

[فهد عبدالله البيضاني]

صح لسانك ولسانه

درر جزلة امتعتنا فيها يا بو وليد وننتظر المزيد

[رباح دبيان جفران البيضاني]

قصيده وجهتها . لأخي. الشاعر/ حسين محمد العنزي.. وردها


رغمي من اهل الجم ماكثر ضمايه = ياحسين ظامي كن ماحولي الجم
ماقول فزوره حقيقة حكايه = واللي يعرف الجدي مايجهل اليم
هذا بلا غيري وهذا بلايه = كم واحدآ ضامي على الجم ياكم
من دون عيب ودون اية جنايه = عيبه يقول الصدق لامن تكلم
شكسبير في هامش ملف الروايه = الكل ماتحمل من افصول رقم
والمعرفه والعلم لأهل الدرايه = وافضل دروس تقام في دار الأرقم
ولابه وسيله دون مقصد وغايه = ومافيه كائن حي مابورطه دم
والأسم يفرق عن حديث الكنايه = وافعال ترفع لاتسكن ولاتضم
وهذا سما غيري وهذا سمايه = تفريق في عقل البهيم المعمعم
واللي بنا ماخطى بني البنايه = ولايختلف معنى بترجام ترجم
ولاهو خطاء غيري ولاهو خطايه = حسيبنا اللي في خفى الغيب يعلم
ولال النهايه بس رغبة نهايه = اسلم يابن وائل على الكل سلم
وختام قولي نفس معنى البدايه = يامن خبر ظامي على حافة الجم

الشاعر/ رباح البيضاني




ياالله يامن فيك عاقد رجايه = يافارج الكربات ياجالي الهم
انك توفقني لدرب الهدايه = واعوذ في وجهك من الوهن والغم
وراع القصيده يوم يبحث خفايه = وانا من الأيام عايف ومغرم
رباح شاف من الزمان الكفايه = وقريحته قامت تهيج وتلاطم
صاغ وتنقى شرده في عنايه = وانا احسبه من قبل حرآ مبلم
عيبه مثقف تهتويه القرايه = خيره يخص اثنين وبشره يعم
يفتيه شيخآ معتبر بالولايه = تزعله كلمة خال وتونسه عم
لو ينضرب فزعت معه بعصايه = حتى تردد كلمة المدح والذم
ولو اليتامى ماعليهم ولايه = ماسودت صفحاتهم من جبل قم
ترا العلاج اخير منه الوقايه = والصبر مكسب للبنادم ومغنم
شمس الحقيقه كفنتها العبايه = وطعم الصراحه يجرح الحلق علقم
واللي عزف مع ضحكة الوقت نايه = اليا عبس وجه الزمن ماتبسم
الغصن لاثمر صار فيه انحنايه = لو اعتدل مايحفظ الذوق والشم
تفزع سبات النايمين الوشايه = مادام بياع العسل دسبه سم
ولو انعكس وجه الزمن بالمرايه = كان العمى مايستمع شرح البكم
وكلن معه فكره وعقله ورايه = والرزق عند الخالق الرب الأكرم

الشاعر / حسين محمد العنزي

[رباح دبيان جفران البيضاني]

المشاركة الأصلية كتبت بواسطة فهد عبدالله البيضاني صح لسانك ولسانه درر جزلة امتعتنا فيها يا بو وليد وننتظر المزيد

صح بدنك وتسلم .. يا أخوي. فهد . والله يمتعك بطاعته

[محمد بن سعود]

الشاعر القدير رباح بن دبيان


صح لسانك ولسان الشاعر حسين العنزي

مساجلة رائعة وقصيدة تحتاج إلى ابحار في معانيها وجمال عباراتها وصورها

[رباح دبيان جفران البيضاني]

المشاركة الأصلية كتبت بواسطة محمد بن سعود الشاعر القدير رباح بن دبيان صح لسانك ولسان الشاعر حسين العنزي مساجلة رائعة وقصيدة تحتاج إلى ابحار في معانيها وجمال عباراتها وصورها

هلا. أخوي . أبو سعود ............ وصح بدنك . أصالة عن نفسي ونيابة . عن أخي العزيز / حسين العنزي