عايش على الأحـلام عايش بذكراه**** تجبرني الـــــذكرى عـلى مربيته
بيت(ن) أليا جـــيناله العصــر نلقاه**** وأجيه عــــاني لـــــو أنا ما لقيته
أحب الأرض اللي وطاها وطرياه ****ولو يذكر بدو(ن) خلاوي نصيته
حي(ن) سعادة عــيشتي في محياه**** لو زانت لغـــــيره أنا مــــا بغيته
ياعين لا تبكــــين لو طـــال فرقاه**** لو طـــــالت الأيام فــــيها رجيته
محشــوم ومقدروأنا أدور ارضاه**** واللي شــراني بالمـــــوده شريته
يا أبو عـــزيّز صابني حــد شلفاه**** جرحه قـــديم مــــير أنا ما نسيته
وش حــــيلة اللي صـار داه بداوه ****ولا هو بجافــــيني وأنا ماجــفيته
الريم كــــنه في الحــــلايا حلاياه**** والله من ليل(ن) لأجـــــله سريته
نايف عـــــزيز يهـمنا نـأخذ ارياه**** ويهــــمنا رده عــلى اللي بنــــيته
راعي مغاتير عسى اللاش يفداه**** شاعر وقـــافه في بيــــوته قريته
نصيحتك قدام والا نتــعــــــــــاه ****واللي كواني بالموده كويــــــــته
الرد على قصيده ابن عسكر
خط (ن) لفاني هيض القلب واشقاه ****من شاعر طيب مع الناس صيته
دكتور بالقيفان ينبيك مــــعـــــناه**** دايم وابن عسكر على ماهقيــــته
ضلع الشرف لو دونه السيف يرقاه**** تستاهله ياللي تعبــــت ورقيتــــه
لكن اشوف الذيب واصلني عواه ****يقول جرحي ياولد مامـحيتــــــــه
غرون تمركز وسط قلبه ولاجاه ****جداه يالله ياعساه وياليـــــــــــــته
الحب لقلوب المواليف مــــــغذاه ****لااعطاك محبوبك مثل ماعطيــــته
لاصار بهروج الهوى تنطق شفاه**** يسقيك من عذب الكلام ورويــــته
يفرح بشوفك وان تغيبت تحداه**** للدمع وانته في غيابك بكيتــــــــه
ولاصار قسمك من غرامه كواياه**** ابعد عنه لاتنحني لو هويتـــــــــــه
وياللي تبي شوري ورايي تحراه**** رايي يقديك السعد لااحتريتـــــــــه
ان كان ريمك باقين ماحدن جاه ****اطلب يديها من سندها لياجـــــــيته
وان كان غيرك بالخلايق تحفواه**** انسه ولاتذكر طريقن مشيــــــــــته
أخي الأستاذ/محمد بن سعود
السلام عليكم ورحمة الله وبركاته وبعد
وكما عوتنا على مشاركاتك الطيبة وعلى إطرأك الجميل وعلى أرأك رفيعة المستوى أشكرك على تعليقك الذي لايستغرب على شخص مثلك أبو سعود
مساجله بين ابن عسكر وابن عفراء
