هذه القصيده / مهداه للشيخ راكــــــــان بن ســـــعود البـــــشري المـــزيني . .
ياهجوسي مابقى فيها مجالي = الزمان الشين قام يحد نابه
ساقني تال العمر سوق الجمالي = مع طريق أكثر العالم غدى به
سقت رجلي للجنوب وللشمالي = أمشي الريع الخضر وأرقى هضابه
أتنشد عن بكار لي غفالي = فاختن عن بعد ماراحن نهابه
لين جاني علم وافي عن سؤالي = عقب ماطال النوى وأرسى طنابه
بين مسحل وأبو راكان المقالي = قبل تدوين الدفاتر والكتابه
والعطاء معروف مابين الرجالي = ماتغاربها ولافيها غرابه
مدة أهل الطيب مافيها جدالي = مالحقها لامنون ولاطلابه
كلمة للعود تبقى للعيالي = مثل نهج المصطفى عند الصحابه
يعطي البل قبل ماتغلى السهالي = قبل تجار العقار تفك بابه
يوم عند البدو مارخص الحلالي = كم عطى سعود المنيحه والجلابه
وأن ذكرت ذويخ حماي التوالي = أحتمى الشعر وتعزوى في جنابه
ثم طوح بالشماغ وبالعقالي = وأرتقى للمجد ثم ولع شهابه
أجل ماهو يوم ضاق أبها الخلالي =وأحتماها الفارس اللي يندعابه
سل سيفه مثل أبو زيد الهلالي = وكل ريع مخضرا غصبا رعابه
ساد قوما شربهم دايم زلالي = يوم ولد اللاش ماينقى شرابه
لاكثر حبل الرشا فوق المحالي = هم شيوخ الجمع هم سيف الحرابه
لاذكرت فعول وافين الخصالي = ياقف التاريخ للبشري مهابه
وأنت ياراكان حمال الثقالي = كل علم غانم تلبس ثيابه
لين الجانب لضيفك والموالي = وللعدو سيف حدب يحسب حسابه
بالكرم تشهد لكم صفر الدلالي = ومجلس يسلى المسير في رحابه
والصحون اللي بها الحيل الجزالي = واليمين اللي تمد بلا رقابه
يالأمير أبن الأمير الطيب فالي = الزمن صح وعده وأقفى سرابه
يوم جاك العلم زال الشك زالي = كل علم ياصلك يقنع جوابه
أنتم أهل الطيبه أول وتالي = من لفى نشاد يبشر بالاجابه
لو لفاكم يشتكي شيب الليالي = يمكن يبشر عقب ياس بشبابه
ولاهي أغلى يسنافي ماغدالي = مير راعي الذاهبه يتعب ركابه
ودامها ذكرت بدار أهل المعالي = ماغدا لي شي لو طول غيابه
يوم قرب أهل الوفا هو راس مالي = العوض ماجود يانسل الذيابه
ياكريم الجد من عم وخالي = الكريم يجود من غالي زهابه
للشاعر / مشاري بن مسحل البيضاني
rwd]m lahvd fk lspg li.u td ado alg hgfahvdi ((hgado vh;hk))
قصيدة مشاري بن مسحل بن مهزع في شيخ شمل البشاريه ((الشيخ راكان))
