السلام عليكم ورحمه الله وبركاته
ألى ألاخوه الاعضاء والزوار هذه من اجمل المساجلات
وهي قصيدة غايه في الروعه كتبها بدر الشيب المطيري
وهو شاعر معروف وأسندها ألى علم من أعلام الشعر
في العصر الحديث وهو الشاعر الكبير لافي الغيداني
أليكم قصيدة المطيري اللتي أحب أن أسميها بجيب اللكزس
ياشذى عطر القصيد اقبل ورش بيوته = شفني ارسم قاعدة شعر النبط وابنيها
راكب اللي لمعت السبع على كبوته = ويش اوصفها ياربي ويش اباحليها
كنها شاطي بحر يوم يتطارد حوته = او كما خبراً على الطينه صفا صافيها
جيب لكزس برمجة سلفه على ريموته = يستمد الوان فضيه ويستمديها
كن واجهته من اصناف الذهب منحوته = ولمعت جنوطه وبوديه تمرّا فيها
ان نطحته تقل هداف ٍ هدفه يشوته = وان قفيته شبه ذيب ٍٍ غارته ناويها
وان تعرض كنه اللي سبقه مفلوته = اشقر ٍ يهوي على الصيده ولا يخطيها
وداخلي الكشن صالة محتكر تايوته = صالة ٍ عبداللطيف بمحتوت بانيها
ساع حطت مويته ومرايته وزيوته = حي والله هالجيوب وحي من يشريها
ان مشى صحراء من السرعه طغا طاغوته = وان مشى فالمدن حساده طغا طاغيها
لوتحط اذنك لشكمانه ماتسمع صوته = يمكن انك تستشك ودقته تثنيها
سايقه مافت فوق المرتبه بسكوته = ولا عرف طعم الكابتشينو ولا يشريها
استدار من الرياض وطرقته منعوته = المخارج للقصيم ليا سرى يعطيها
ومع اذان الفجر قدام الصلاه تفوته = واصل ٍ دخنه صلاة الصبح ويصليها
وعقب ماصلى الصلاه الساعه الموقوته = نحره كساب قولة نعم هو راعيها
واحدٍ ماصار عرض لهرجة الشاموته = فاتح ٍ باب المضيف وكلمته حاميها
ماقعد يحسب خساير ماخسر في كروته = ماحسب مخسار حايلها ولاحاشيها
لافي اللي فايت ٍ بالطيب قبل يفوته = ذخر قوم ٍ نهج حاضرها على ماضيها
ذخر حرب اهل فعول ٍ كلها مثبوته = ثابت التاريخ يمليها لمستمليها
وعقب ماانهى ضيافته والعلم جات وقوته = سلمه زرف القضيه قال انا قاضيها
قصة المرسل يفكر والهموم تشوته = اسمع الدعوى بصوته لين تستوفيها
اشتكي خسران ماني من خسر بيلوته = خاسر ٍ عذراً يهيّض خاطري طاريها
مالها جوال حتى اسجله فالنوته = بنت بدوان ٍ تصبّح دار وتماسيها
شفتها صدفه وبهت وفرصتي مبهوته = قلت ويش انتي وتتعلم ولا يمديها
وعقبها ترجع ديرنا والدير موقوته = وتكثر الحّوال ناقلها على ماشيها
واتتبعهم وادور نزلها لافوته = جالها عامين يالافي ومتباطيها
ويوم جيت اليا الفريق بويته وفروته = ليا انها تزهم على المقهور ويباريها
واتحرى فرصة ٍ في لفة ٍ ملفوته = ودي اخذ عهدها وابدي على واليها
ولاش فرصه والعرب شماتةٍ مشموته = خفت ممن يشعل الفتنه ومن ينشيها
(((((((lk hv,u lhrdg td hglsh[ghj fdk hgugl ghtd hgyd]hkd ,f]v hgadf hgl'dvd ))))))))
(((((((من اروع ماقيل في المساجلات بين العلم لافي الغيداني وبدر الشيب المطيري ))))))))
