وبالرغم من صعوبة وعسر القافيه ألى أن الشاعر المبدع دائما لايعشق
الى الصعب فقد ابدع بالرد وكان رد جميل تدل كثير من أبياته على ثقافة الشاعر
ووسع أطلاعه ومع ذلك فكان كعادته يجيد قوة المعنى مع قوة البيت من حيث السبك والحبك كما هو في جميع قصائده ... فأليكم رد الشاعر المبدع مشاري
بالرغم من الرد لم يستغرق يوم واحد وهذا يدل على غزارة الشاعر .
هلا هلا والشعر مسرى ومعراج=يابعد مصباحي ليازان سبته
أغوص جمة بحر وأرقى به أبراج=واعيش في جو خيالي حسبته
أن ضاقت الدنيا ندبته بفراج=وأن ضاق من غيري خيالي وهبته
لي فيه مسرح كون واشخاص وأخراج=والزير عند البدو خيله خشبته
وأن هجرس بقافه فهد بالحشا لاج=ذكر القديم اللي سنينه كربته
بينه وبين الشعر ياقو ألاوشاج=اليا نسبت الشعر يمه نسبته
أن كان الاعشى للعرب قيل صناج=وأشتد فيه الشعر وازدان نبته
فهد لبحر القافيه درع وسياج=يوم الخبيتي بالبلد طال خبته
وليا ارسل المرسول يارد على ثاج=محاوجي ولا كريم أنبته
ماني من اللي لو نس الكايده ماج=أنا ليا نادى خويي أجبته
معك معك في كل نزله ومسراج=لاقائل عاجز ولاقلت هبته
لاكن لمسك عجل ماينضج أنضاج=يبين لي شي وشي حجبته
ماانته مداري وجه نذل وهراج=لكن كتبت أسمه وتالي شطبته
خليت شوك العوشزه لجل علاج= لاأمنت في دينه ولا أنكرت جبته
فتحت لي باب وزلجته بمزلاج=وأنا مع الطيب وماعاب عبته
والا الردي نار توهج توهاج= وأول مايحرق يسنافي حطبته
لاكن ودي حوله أروج مرواج=لو الحدب ماني مقوم حدبته
هذا وأنا بالدرب وتهيج ألامواج=لاأقول أنا أخطيته ولاأقول صبته
ولاعقب راع الغار مسرى ومعراج=لو خيل أخو مره خيالي شعبته
لاكن مطل المقتدر غبن فلاج=لو يحتكم زين المعاني غلبته
صبي قايدها على شداد وسراج=واليوم لو عاف المعاني خطبته
وشلون وأن جتني على سلك ديباج=من شاعر لارسل نديبه رقبته
تحياتي للجميع نرجو أن نكون وفقنا في النقل ؟
مســــــــــــاجلة بين شاعرين رائعيــــن من شعـــــراء البيضــــــــــان...؟
