جديد عيد بندور البيضاني قصيدة بمشروع العانية

[عيد بندور]

جديد عيد بندور البيضاني قصيدة بمشروع العانية

بسم الله الرحمن الرحيم

أخواني الأعزاء في منتدى البيضان أهنئكم بمناسبة قدوم شهر رمضان المبارك
وارجوا من الله أن يعيننا على صيامه وقيامه
كما أحب أن أهديكم هذه القصيدة التي ارجوا أن تكون دافع لمشروع البيضان الخيري الخاص في أعانة
الزواج
أمل أن تحوز على رضاكم جميعا

يوم زين القاف بين لي مشده=صغت قافي بالتماثيل الجدادي

من هجوس(ن) في ضميري مستعده=يسبقن بلازمي صوت المنادي
وعن مشروع أربوعنا ما فيه صده=عقب بان الدرب بالعلم الوكادي
فكرت(ن) مضى لها بالمهد مدة=استنارت عقب ما هي بالمهادي
وعقب بانت بالدروب المجرهده=مثل نور الشمس ممشاها قصادي
ودنا نعد للمشروع عده=ندعمه بالمال والراي الرشادي
كل واحد يطلع ونشوف رده=كان فيه ملاحظه ولا انتقادي
والهدف دعم الشباب المستجده=ورفعهم عن الرذيلة والفسادي
وعن ديونٍ كاهل المعرس تهده=تحرمه حلو المعوشه والرقادي
للقبيلة كاملة من دون بده=يشمل البيضان بااطراف البلادي
التكاتف عز والتشتيت ضده=ومن نوى التفريق بالبيضان غادي
ولد الأبيض فعلهم كلٍ يعده=طيبهم مثل القمر بالنور بادي
رجلهم بالطيب ماتقدر ترده=كل ما تجاريه بالطولات زادي
لو ظروف الوقت عن ربعه تحده=الحميا فيه شيءٍ لا إرادي
ما يرضى أن أخوه يسد بمسده=ماقفه يحماه لا زاد العنادي
وكانها بالود هذا اللي نوده =التكاتف بيننا ساس المرادي
وكل بابٍ للخطاء لازم نسده=ونحسن النيات ونصفي الفؤادي
وكل يمن(ن) تنجزي باللي تمده=من يحوش الطيب عدا بالسنادي
وأن تبين واحدٍ ماهو بوده=ما عطا الموضوع همه واعتمادي
مايثبط عزمنا راع المخده=ولا يعكر صفونا راع الدوادي
من مشا في صفنا معنا نعده=ومن قعد نجوز دونه بالعدادي
ولا نبي اللي رفقته ماغير جده=وكان مس الحبل عود للبرادي
عزنا في نادر(ن) ودك تهده=حاضرن بالطيب وأنوع العتادي
طيب راسه وارثه من طيب جده=عن طريق الربع مافيه أنحيادي
واختتام القاف ونهاية مشده=ريح مسك وريح عود وريح كادي
في بيوت(ن) قلتها قدر وموده=كان في قصور من زود اجتهادي

[/poem]

أخوكم عيد بندورالبيضاني
25/8/1431ه

---

[]d] ud] fk],v hgfdqhkd rwd]m flav,u hguhkdm

[حمود محمد البيضاني]

أخـوي الغالي / عيـد بن بنـدور

الســلام عليكم

صح لسانك وبيض الله وجهك

على القصيده الرائعة وكفيت وفيت

والله يحفظك

[سعود بن هاجد الهريش]

الاخ / عيد بندور

السلام عليكم ورحمة الله وبركــانه

صح لسانك على هذه القصيدة الرائعـة وفقك الله وكل عام وانتم بخير

[يوسف بن مطلق بن عشيوي]

السلام عليكم
الله الله
ولد الأبيض فعلهم كلٍ يعده=طيبهم مثل القمر بالنور بادي
رجلهم بالطيب ماتقدر ترده=كل ما تجاريه بالطولات زادي

صح لسان وبيض الله وجهك

[دخيل البيضاني]

اشكر اخوى عيدبندور على القصيدة الرائعه

وهذا غير مستغرب على هذا ي الشجره لطاهره

التي ا نته منها التي معروف عنهم ا صلاح

ذات البين ولحث على الا لفه وتكاتف على البر

وكررشكر ي وتقديري

[عيد بندور]

أخواني الكرام

حمود بن محمد

سعود بن هاجد

يوسف بن مطلق

دخيل البيضاني

أشكركم على مروركم الرائع


والله لا يهينكم جميعآ

ودمتم بخير

[خالد بن حمدي بن عسكر]

مساء الخير للجميع

أخي / عيد بن بندور .

لاتعليق من تلميذ علي أستاذه ولكن أقول طبت وطابت مساعيك وتكللت باليمن والبركات .

وأبشرك أن ماتظنه بأولاد الأبيض من ظن حسن فهو بهم ولهم .

[فريق العمل]

السلام عليكم ورحمة الله وبركاته


يتقدم فريق العمل القائم بمشروع العانية بآيات الشكر والأمتنان للأخ / عيد بن بندور البيضاني .

علي هذه القصيده المعبره والمحفزه لنجاح المشروع بأذن الله . وهذا الموقف يسجل بمدآد من

الذهب لأبن من أبناء القبيله البرره .

[عيد بندور]

الأخ العزيز خالد الحمدي أشكرك على مرورك العطر وتواضعك الجم وهذا ليس غريب على شخصك الكريم ولك مني جزيل الشكر والتقدير

[شافي البيضاني]

أخي الكبير ابوبندر
لافض فوك... ولا أفلح شانئوك.. قلت فأبدعت.. ونظمت فأمتعت ...روووعة لا تستغرب.. وجمال معهود..وقريحة لاتغيب الاتجود..أن شهدت على ابداعك ..فقد سبقني قراءك وسماعك ..لقد جردت نفسك وشعرك من الأنا... فكتبت لنا... وكتبت بمشاعر نبيله...فنطقت بلسان قبيله..لك يا أخي تقديري واجلالي ...وارفع لقصيدتك عقالي...اشكر كل من داخلوك... وعلى ابداعك شكروك ...تقبل تحياااااااتي وننتظر الجديد والآتي