ياللي بنسبكم حزه الضيق بااصيح = لاتحسبو لاابطيت مني قطاعه
عندي وش أبرك من علوم المفاليح = لآ كن بالحاسب بليد بـ فضاعه
احوس بين ابدا وبلوحه مفاتيح = حتى الطباعه ما اعرف الطباعه!!
ضاري بصيد البر وخوه طحاطيح = اللي معاهم ماتجيك الجزاعه
أهل الكرم والجود مافيه تلميح = أخذو من أشغال الزمان القناعه
للبنك ما منهم كثير المراويح = مادورو ينساب والا الزراعه
ولافيهم اللي قال حنا مجاريح = ولا فيهم اللي وان سمع قول ذاعه
ياسامعي اسمع مع القول توضيح = واوجد قلبي وجد فاقد جماعه
لا اطرا أهد الطير معيه الملاويح = أنسى جميع هموم قلبي وداعه
كني فظلمه وولعولي مصابيح = فالبر ضاع الوقت راضي ضياعه
أخير عندي من وجيه ٍ مشاحيح = اللي عوايدهم دلاعه مياعه
يقلدون الغرب سوو تساريح = درب السنع كبوه وجابو بشاعه
قلته ولا قصدي شماته وتلميح = ماهي طبوعي ولا طباع الجماعه
مثلي مثل من بالبحر عاند الريح = يرخي شراعه نوب يرفع شراعه
أمواج توميبه ليا وقف يطيح = هاب البحر والبر هيب سباعه
وآنا ولد نافع وعن حرب مازيح = ولا احط بيني وبين ربعي مناعه
أكمل الناصي وبالسد مايبيح = أبوي قداني دروب الشجاعه
وصلو على الهادي وقلته بتوضيح = ياطالبينه فـ القيامه شفاعه
وسلامتكم
dhggd fksf;l p.i hgqdr fhhwdp
ياللي بنسبكم حزه الضيق بااصيح
