محاورة جرت بيني وبين الشاعر خالد بن غازي الشويحطي البيضاني، في زواج الأخ العزيز فيصل بن منصور بن حمدان بن دغيفل البيضاني:
محمد
يقولون الكويتي يلعب القلطة وأبا أناديه = وأبا آخذ معه وأعطي والعلوم يبين خافيها
ألا يا جارنا بعد المحلل وضعكم وش فيه؟ = أشوف الناس تال الوقت كثرانة شكاويها
خالد=
إنكان الشعر له راعي فأنا ياصاحبي راعيه = توكلنا على الله والمواقف لا تخليها
إلى ضاقت عليك الأرض علم أصحابنا توحيه = ولكن العلوم الأولة ما أنته بناسيها
محمد=
تحسبون الزمن صافي ولا تدرون وش خافيه = ترى أول من ضحك لا بد ما يبكي بتاليها
هذاك الوقت راح ولا أنت قادر ياولد تحييه = وعاقبت العرب في حيّةٍ عندك مضوّيها
خالد=
ترى الدعوى عمومية على الرجال وابناخيه = ليال العيد تعرف يا محمد من عصاريها
تقول الحق يامحمد ولكن ليه ما تعطيه = ترى الرجال لا جاته حقوق الناس يعطيها
محمد=
ياليت المتر والمترين خلاّق البشر يفنيه = مساحة زايدة ومحايدة ما أحدٍ ابَّاغيها
أبا أعطيك الحقوق وخل دار غشكم راعيه = تروح الذاهبة لكن تعوّد يم راعيها
خالد=
عسى ربي يبيح العود يومنه سرى ساريه = سرى من عندنا في ليلةً زانت مساريها
ترانا تحت حكم الله وكلٍ رزقه يوافيه = ولأحدٍ يضمن الدنيا من أولها لتاليها
محمد=
أنا والله مالومه يوم خلّّى السِيْف وأهاليه = لقى له عالمٍ تحت الولاية ما تعاصيها
مصير الحر يشهر والحباري قاعها تغليه = ولكن قاعها ما هو من النكبة منجيها
lph,vm fdkd ,fdk hgahuv ohg] fk yh.d hgfdqhkd
محاورة بيني وبين الشاعر خالد بن غازي البيضاني
