السلام عليكم ورحمة الله
هذه مساجلة بين
الشاعرين حمود بن
عبدالكريم بن سياف البيضاني وشافي بن عبدالعزيز البيضاني
بدأها حمود يقول:
راكب اللي لـ أشتغاله مع الممشى زئير = أسدٍ كل الكواسر معه مستضعفه
أو كما عودٍ تنحنح على باب القصير = حشمه وتقدير للجار راعي معرفه
جيب لكزز ميزوا به عن أنواعٍ كثير = لجله المديون ما فيه شي يحسفه
وان عرض لك دوب يمشي تقول ارضه حرير = يعطي اكبارية الجادل اللي مترفه
وان دعس له سايقه يشبه لحرٍ يغير = انحذف لمحت بصر كن راعيه احذفه
وان نظرنا داخليه غريزتنا تثير = المواتر جملة أنواعها متخلفه
كمبيوتر شاشته يعكس اللي بالمسير = تايراته والرفارف عليه مكفكفه
قلدوه أنواع واجد بالأصطب الأخير = بس خلفية، وباقيه صعب التكلفة
كن بطن الداب لونه ونوب أقول غير = مثل لون اشمس لا صار داخلها اكسفه
ويعطي شويه من الشمس في العصر القصير = ومقدمه يطري علي الجمل فيه اهدفه
مستوي لـ أهل الشكالة ولا يق للوزير = والضعيف إلى ركب فيه نسي المضعفة
أمدحه مدحة غناوي وأنا دونه فقير = وان طرالي قيمته يلعن الله اجدفه
شي عادي يوم أفكر بتصميم الخبير = بس افكر من خلق هالخبير وكلفه
آدميٍ ما يفكر بخلق الله ضرير = من عدم كونك واليوم شف خلقك شفه
ياهني اللي بنفسه يحاسبه الضمير = الشرف للآدمي دين الاسلام اشرفه
وركعتينٍ كل ما قمت بالثلث الأخير = قالها (ابن حميد) والقاف كلٍ يعرفه
يالله إني طالبك مالغيرك نستخير = فيك ياربي عن الماقف اللي ناقفه
وبعدها كل من الناس له راي وشوير = والذهب في غبة البحر ما هو بطرفه
ذاك شافي له معرفه مع الدرب المنير = الحمول الزايدة في يديه مخففه
واحدٍ قولة هلا منه عن ذبحة بعير = دون وجهه كل مال يدينه تصرفه
ويش رايك في سباق مع العالم شهير = ندخله وإلا نعاف الرطب قبل احشفه
يا رفيقي وقفتك تصخر اللي ما يصير = والصعب في شاية الله تقدر تعسفه
والعمر فرصه ووقتك كما السيف الشطير = والنجاح يحقق الآدمي فيه اهدفه[/poem]
رد الشاعر شافي:
راكب اللي قبل الإقلاع مع وقت العصير = للمدرج من صدى صوت ممشاها ارجفه
استدارت فالمدرج وهمت بالمطير = تقل طيرً ندب راعيه للصيد اشعفه
للمحرك باجنحتها عقب طارت هدير = صنعة اللي ما نداني لهم شوف وصفه
ما طواهم هم ذات السلاسل والسعير = والاخشوا من وحشة القبر ضيقه وقضفه
المحرك صنع بوينج والكبتن بصير = متعبٍ نفسه ورى العلم لو فيه اكلفه
ودي أخاويه في رحلته والقصد خير = زايرٍ رجلٍ يقدر وفاه من اعرفه
ابن عم ومحزمٍ ما نبدل به نظير = وشاعرٍ ما في قصيده تناقض وزهفه
البيوت إلى كتبها مثل نفح العبير = وينحسب لا صار للصف بالماد ارزفه
افتخر به بالمقام الصغير وبالكبير = واعتبره لقمة الشعر ذروة وشعفه
وإن حداني في بيوته مع الدرب العسير = إدري انه طب بالروض والورد اقطفه
يا قصيدي خابرك لا ضعيف ولا كسير = اخذ جزل القاف والهزل عن دربك لفه
عان قاف حمود قدمك عسى دربك سفير = استثار حمود بدعه ومعناه اعسفه
صدق بالابداع يصير شيٍ ما يصير = يوم ابو فيصل لحن راس الإبداع اعزفه
وعودن له مفردات القوافي تقل ضير = واستثار القاف من كل يمه وأكنفه
مير أبا أحاول على درب ابو فيصل واسير = لعن ابو راسٍ على الطيب ما فيه اعنفه
والشعر يا مسندي وضعه الحالي خطير = اشتكى والدمع من موق عينيه اذرفه
انكسر سيفه ولا باقيٍ غير الجفير = واكثر الشعار يسعى بهدمه واتلفه
لو سكت عامر عن البدع ما يسكت عمير = وان نصحت حنيف يزعل ولو فيه احنفه
جوه ناسٍ لا مع العير وَلا امع النفير = والخلف ما عاد يمشي على درب اسلفه
والحقيقة لو فرشنا البساط المستدير = بعض خلق الله برجليه يمشي لـ أحتفه
والبرامج ما تكبر مضاهرها الصغير = وكل طيرٍ في مخاليبه يصيد اعلفه
تكبر القالات لكن إلى قر القرير = يثبت اللي عز بيته وصانه واسقفه
والمسابق باهتمام العرب ما هو جدير = ومن عرف مبداه ياطيب الساس ازرفه
الرسايل فيه هي ساس تحديد المصير = شفته وعفته وشوري يا ابو فيصل عفه[/poem]
lsh[gm fdk hgahuvdk ahtd fk uf] hgu.d. ,pl,] uf]hg;vdl
مساجلة بين الشاعرين شافي بن عبد العزيز وحمود بن عبدالكريم
