السلام عليكم ورحمة الله وبركاته
هذه قصيده للشاعر الكبير فلاح بن مبرد
الحميداني المطيري ..
وجدت في ديوانه هذه القصيده فأعجبتني وكلمته وطلبت مجارتها ..
فقال انه شرف له وانه يعتز بها
خانت الدنيا بهـا أفكـار مـن فكّرتحيـر=من تخاليف الدّواليـب مـا فيهـا قـرار
لو صفت في يوم باليوم الآخـر تستديـر=ما يجي من حلوها كثـر ماتعطـي مـرار
صار ممشاها بها الوقت مع مجرى عسير=غيرت منهاجها الزيـن والوقـت أستـدار
طمّنت روس الحمايـل مدلّهـت القصيـر=الرجال اللّي مـن أول لهـا قـدر ووقـار
وأرتفع فيها رجال أسم والأ الفعـل غيـر=صار طيب اليوم لأهل المناصب والتجـار
كـم تلقّـي وجههـا واحـدٍ مافيـه خيـر=لانصوه أهـل المواجيـب طيبـه بالعـذار
من عجب ماشفت فيها وانا تـوّي صغيـر=آخر الوقت أشترى الخيل ركّـاب الحمـار
قبـل مايقنونهـا إلا مفـرّحـت النـذيـر=لاسمـع فـي سربـةٍ حاولـت هكالديـار
لا توكّد بالخبـر واوصـل العلـم الأميـر=قال خفت يحاولون العرب مأنتـم حضـار
قال لّه علمك وصل وصّلـك ربـي لخيـر=بس مانرحل عن الدار لو راحـت عمـار
من كتبله طولت العمـر ماعمـره قصيـر=ولاتطول أعمار نـاس كتبهـا الله قصـار
يوم ثاني بالضّحى جاهـم الراعـي مغيـر=صاح بأعلى الصوت يالابتي يأهل البكـار
لجّ كلّ النجع صوت الكبير مـع الصغيـر=وأهل العادات ركبوا علـى قـبّ المهـار
جلّعن مثل القطا اللّـي يبـا نقعـة غديـر=صافقه لاهوب صيـفٍ ميبّسـن الخضـار
يوم شافوهم ولحقـوا علـى شـرٍّ وخيـر=اسهمت بمجرّب يوم شاف الجمـع أغـار
ضاريٍ في جدعة الشيـخ باليـوم الكبيـر=لا تلاقـن السبايـا وحـسّ الهيـج ثـار
وارده باللّي تداوي الغليـل مـن المغيـر=مانسى الصيحه وهو يسمع حنين أم الحوار
للشاعر فلاح بن مبرد ..
الــمــجـــاراة::
هيض الهاجس نبع شعر من شاعر كبيـر=شاعرن ينقى الجواهر من اعماق البحـار
يفتل وينقض ويغرف من البحـر الغزيـر=شاعـرن مأياخـذ الاالنـوادر والخـيـار
من فحول الشعر يخظعله القاف العسيـر=وتستجيب أله القوافـي وتعطيـه الخيـار
الحميداني فلاح ابـن مبـرد مـن مطير=من رجالن فعلهم واظحـن مثـل النهـار
قاس وزنة وقته الي مضى مـع الااخيـر=وشاف فالدنيـا والايـام ميلـه وانحـدار
واشتكى جور الليالي ومن وظعـن خطيـر=يوم شاف الوقت جاير ولهل الطيب جـار
والله اني شايفـن يابـن مبـرد مايثيـر=يذهـل العقـال ويصيبـهـم بالاانهـيـار
ذا زمان العولمـه صـار بـه مالايصيـر=وبدلت فيـه اليميـن الطويلـه بااليسـار
الفلـك دوار والوقـت ماعنـده ظمـيـر=وش يفيد الصوت ياصاحبي فـات القطـار
وقتنـا ماعـاد بـه لاشـداد ولابعـيـر=من معه مليار شيخن ومن معـدن حـرار
ذا زمانن حامل المسـك بـه نفـاخ كيـر=والردي فيه اصبح امقـدر وشبـاب نـار
ذا زمان البغض والحقـد والحسـد لنكيـر=والحسد جفت من اسبابـه ميـاه البيـار
طمن ازحول المراجل هلا السيف الشطيـر=واعتلو من لالهم من قديـم الوقـت كـار
المعانـي واضحـه للبصيـر ولضـريـر=بينـه مثـل لقمـر مـا ايغطيهـا الغبـار
حكمتـن للخالـق لبـاري الـرب القديـر=كـل ماينـزل لخلقـه مواعـظ واختبـار
والختام اقبل شذى العود مع نفـح العبيـر=مع سلامن طيبه الكادى مع نفـح البهـار
قالها سلطـان مالـه شويـر والاخشيـر=شاعرن مااخذ من اشعار غيره واستعـار
من قبيلة حرب كسابـت الفعـل الشهيـر=والعرب ماذمهـم نعـم فـي كـل الديـار
hgahuv hg;fdv tghp fk lfv] hgpld]hkd
الشاعر الكبير فلاح بن مبرد الحميداني
