السلام عليكم ورحمة الله وبركاته
قصيـدة رائعـة للشـاعر الكـبـير/ لهــاب بن عوض الوسيـدي
نجـم شــاعر المليــون وممثــل حــرب بالمسـابقـة مع النجـم بـدر الظـاهري
طبعـا ً أم العيـال اللي بتسموعنهـا بالقصيـدة هذي هجـره
من هجـر المدينة المنورة اسمهـا (أم العيــال) وهـي تابعـة لوادي الفرع
وقـد ألقـى الشـاعر لهـاب هذه القصيـدة بتـاريخ 3/10/1428 هـ في حفــل تواصل أبناء ومشايخ حرب
تحـت ضيـافة عابــد بن حمــد البــلادي وإخوانه وأبناء عمومته ذوي رجـاء
وفـي تلـك الليـلة ظهـرت هذه القصيــدة التي أعتبرها ملحمة x ملحمة x ملحمة
سلام ياربع(ن) دعيتونا لحفل ام العيال=في حفل حرب وحرب عزوتنا وحنا عيالها
وعن اذنكم يالجنة التنظيم واعطوني مجال=عندي قصيدة واسمعوا مادار من خلالها
البارحة ماغير انا وياالقلم والليل طال=أصارع بيوت القصيد خفافها وثقالها
والشاعر اللي دايما يتعب على كسب الجزال=مايستريح الا يجيب من العلوم جزالها
وانا إلياعدّوا فعول الطيبين من الرجال=لي عزوتن مايحصي التاريخ عد أفعالها
أشهر من نجوم السما وأثقل وأشد من الجبال=وأكرم من حقوق السحاب إليا انهمر همالها
ربعي قبيلة حرب ساس المجد فرسان القتال=قبيلة(ن) تاريخها سجل بدم ابطالها
وان حدثوك الناس عن مجدن صعيب(ن) ماينال=عندي دليل ان أكبرأمجاد الحياة إنالها
حنا ضربنا بالوفا بين العرب أروع مثال=في قصتينن لم يسجل مثلها وامثالها
الاوله قصة نويشي يوم يبطش بالعيال=سته بني عمه ويمنى خاله اللي شالها
والثانيه قصة دخيل وكل علم(ن)له عقال=وراع المثل يقول برهان العلوم عقالها
من دون أمانة جارته عرض حياته للزوال=فكر وقال النفس لاماتت بعز أشوالها
أما كرم حجرف وابن ناحل وصل حد الخيال=وسارت به الركبان بين اقفايها واقبالها
وانا أفتخر وأعتز في تاريخ حرب ومن خلال=فرصة ومن أبسط حقوق الشاعر استغلالها
لاقلت مسروح وبني سالم يظللني ظلال=الشجرة اللي مايجيك الخوف تحت ظلالها
قبيلة(ن) نالت ولازالت من المجد تنال=مما يؤهلها ويجعل بالعلا منزالها
بحثت لي عن كلمتن مبطي وانا اسمعها تقال=وحاولت بس اعرف سببها واعرف اللي قالها
حرابة الدول قبيلة حرب لكن السؤال=ليش الاسم هذا تميّز فيه حرب لحالها
ولقيت في تاريخها الماضي بلاشك وجدال=من قوّ هيبتها وقوتها وثقل رجالها
كانت تحارب عن بيوت الله جيوش الإحتلال=وهذا عمل طيب وسجل في رصيد اعمالها
أنظر قطار الدولة اللي حطموه ولايزال=حول المدينة والمسافة ماحسبت اميالها
ومشعل ولد عبدالعزيز العام شرفنا وقال=الكلمة اللي زودتنا فخر لمّا قالها
لإبن مبيريك الوفا محفوظ من ماض الليال=واهل الوفاوالطيب دايم طيبها يبقى لها
في فتح مكة ماذخر عنا لاجهد ولا حلال=يرسل لابو تركي صناديق الذهب باقفالها
من دون نقص(ن)بالقبايل بالجنوب وبالشمال=كل العرب تتعب على كسب العلا وتنالها
وحنا وهبنا الله من حميدات الخصال=مكانة(ن) تتعب كثيرالناس ماترقا لها
الدين والحكمة وقانون الوفا والاعتدال=سلم(ن)لحرب تورثه شيبانها لأشبالها
وفي سلم حرب الطيب مكسب والكرامه راس مال=والناس ماتثّر على تفكيرنا بهبالها
هاماتنا ماتخضع الا خوف لله وابتهال=والا البشر مهما يكون الأمر مانلجا لها
الا ولي الأمر له طاعه علينا وامتثال=حسب الحدود اللي شرعها الله وسخرنا لها
وإلياهبط سعر الذهب والنفط وإنهار الريال=تبقى كرامتنا ماينقص شي من مكيالها
لأنا من أول مابنيناها على جرف(ن) هيال=على الرجولة والعقيدة مبرمين حبالها
واكبر دليل انّا رياجيل(ن) على الدنيا ثقال=مهما تقول الناس لايمكن نطيع اقوالها
وصــح لســانك يا لهـــاب
ghrgj lsv,p ,fkd shgl d/ggkd /ghgLLhga[vm hggd lhd[d; hgo,t jpj /ghgih -giJhf hg,sd]d
لاقلت مسروح وبني سالم يظللني ظلال//الشجرة اللي مايجيك الخوف تحت ظلالها -لهـاب الوسيدي
